G-Blog

今日隊長話我比同事投訴經常交接唔到
詳細情形又冇解釋我知
只是話美國西岸果兩條友不滿意我
要等我開工接手先可以收工
所以攪到佢哋遲收工
咁我係咪要比人燒春袋？
查實唔知幾時開始
佢哋變咗返西岸時間朝八晚五
即係香港時間十一至八
亦即係佢哋收八點接住我返八點
如果要拍手交更的話
一係冇嘢交接就最順利
如果唔係的話
一係就佢遲收工
一係就我早開工
咁先可以有重疊時間交待手尾
其實都明白佢哋遲收工會勞氣
但佢哋唔蝕底難道就要我蝕底？
講到尾又係十個煲得兩個蓋嘅問題
條 team 唔夠人又唔請人
編更果個又求鳩其
唔通我日日收工但下更未見人我又走去投訴咩？！
真係多鬼餘！

之前去唔成旅行嘅後續還未解決
根本上保險諸多刁難就預咗
但連香港快運呢間航空公司都不知所謂
都唔好話要佢退錢喇
只係要張証明不會退票都話做唔到
都唔知佢嘅難處係乜
睇嚟果幾千蚊都唔會 claim 到了

近日忙完一樣又一樣
好多突發事件應接不暇
之前取消旅行要claim保險仲未攪得掂
保儉果邊又話航行公司資料不足
航空公司就話已經提供所有資料
總之就兩邊將個波互相短傳打拉布
冒求令你冇得賠
今天已經個半月
都仲未得到一個滿意答覆
真係火都嚟撚埋?

今天起床時已經轉為三號波
即係要起身返工了
落到樓下見個公園滿地樹枝樹葉
仲有好多樹木東歪西倒
受災後滿目瘡痍睇見都傷心
不過仍是要趕返工
幸運地很順利返到公司
但很多同事因爲交通問題返唔到或者遲到
上網看看其實都幾嚴重
很多道路因大樹倒塌而封閉
東鐵綫都有幾個站受影響只維持有限度行駛
最嚴重係女皇辦公室果楝大廈
很大面積的玻璃窗碎掉到滿地
好彩她的office力保不失冇受損害
但她隔離左右的都很嚴重受損
都唔知又要整幾耐先可以修理好了

今日收工後去收咗支舊鏡
貪佢價錢適中又夠短少輕巧
雖然話比最新款 G 鏡差了一點點
不過價錢又平一半重量又輕多少少
所以權衡輕重後都係揀咗佢
雖則話都買得起支新鏡
不過都係孤寒唔捨得囉
試用後大致滿意
比起用緊果支
質素有得揮之餘
最滿意嘅地方就係重量問題
1kg vs 250g
四份一重量真係輕鬆好多！