今天補假
一早起身揸架車去打臘
放低架車便返屋企開工
今日嘅目標係整好個玻璃趟門軌道
整到點幾又出去攞返架車返屋企
再食個 tea
然後又返去繼續
估唔到裝條軌都攪咗成日
條腰又赤赤哋
唔通真係老咗？
補假的工作
休息星期天
生活慢慢回復平靜
星期日瞓到自然醒
起身打掃一吓屋企
然後出街食個午餐
再行吓街配幅眼鏡
自己只需比千二蚊
就可以配幅蔡司鏡
公司優惠唔用就蝕
之後去睇與神同行
但係冇第一集咁好
成套戲係解釋舊史
早知就單撈睇好過
睇完戲再去食晚飯
咁就輕輕鬆鬆一天
週末開工日
十個煲得三個蓋
仲要一個廢嘅用唔到
一個又就嚟走佬
真係三減一得二、二減一得一
最後變成十個煲得一個蓋
唔知到時夠冚邊隻煲呢？
星期五聚會
輕鬆減壓的一晚
近排太多負面事情需要處理
偶然一次放題係有助舒緩壓力