今天又補假
原因是琴晚要睇世界杯決賽
更大原因係紅日補假要兩個月內清
所以有原因哋清咗佢
今日安排嘅工作很簡單
執好啲雜物準備裝隻趟門軌
其實又真係冇咩要執
只係睇吓有咩唔用嘅就掉咗佢
好快攪掂然後打掃乾淨
便玩吓玩具拍吓照
跟著睇咗套戲
食吓嘢飲吓嘢咁就一日喇
享受假期
曲終人散
今屆世界杯終於都到咗最後一場
法國對克羅地亞上演了一場精采決賽
最終法國4:2擊敗克羅地亞捧走大力神杯
總括今屆都算多入球
但傳統勁旅很早已經畢業
而法國今屆是非常對版嘅一隊
全隊都技術平均
而且當中麥巴比更是慧星般橫空誕生
所以法國隊捧杯都很合理
季軍戰
今晚比利時對英格蘭爭季軍
一如所料比利時一開波便攻入一球
英格蘭反撲乏力
臨尾再失一球
最終只能得第四畢業
雖然如此
在沒有期望之下踢到四強
都算係超額完成了
希望兩年後歐國杯會繼續有好表現啦
進入尾聲
今屆世界杯只剩下兩場波
咁就玩咗一個月
以前氣氛會濃烈很多
可能因為兩間免費電視台都有得睇
所以多咗人接觸到
多啲人討論世界杯氣氛都強烈好多
但自從有咗收費電視後
睇波變成高級節目咁比錢先有得睇
自自然然少咗人接觸
世界杯氣氛都差很遠⋯⋯