G-Blog

昅咗呢隻 Power Bank 好耐
最初價錢係 $278
曾經 HKTVMALL 減價賣 $248
但當想買嘅時候又冇我想要嘅顏色
於是又冇買到
如是者得閒又去灣電昅吓有冇跌價
卒之今日見到賣 $228
係時候入手了
又講吓點解揀呢隻
佢有三個接口
其中一個係內藏於機身連埋lighting
可以差iPhone非常方便
另一個係正常USB規格
以上兩個接口都是高速2.4A輸出
第三個係 USB Type C 可以3A輸出或輸入
亦即是差電接口可以行到3A高速回血
除了三個高速接口差電外
另一賣點係又薄又輕只有一百八十幾克
外出攜帶方便
去旅行要緊急差手機平板一流

琴晚差不多通宵睇波
今朝萬分不願地起身返工
成個人暈暈哋喪屍mode
呢家真係唔㩒捱
好在嚟緊兩晚冇波打
可以抖兩晚
星期五繼續八強戰

雖然係凌晨兩點
但恐怕今晚唔睇今屆就冇機會睇了
所以今晚策略係放棄頭場
食飽晚飯就上床瞓覺
較好鬧鐘兩點起身睇波
好耐冇試過半夜起身睇波了
一嚟年紀問題捱唔到夜
二嚟近年對足球已經興趣大減
不過既然英格蘭今年有機會
當然要支持吓啦
場波兩隊都快上快落
英格蘭領先之下
補時先被追平要打加時
最後要互射十二碼分高下
卒之驚濤駭浪下晉級八強
不枉我捱眼瞓睇哂全場

琴晚又爆一場大冷門
俄羅斯射十二碼贏西班牙晉級
下線已經冇哂熱門球隊
英格蘭生生性性應該可以入決賽喇呱