這個網站伺服器用了超過一年
大至上都冇乜大問題
但近日開始upload旅行照片
發覺長久下去啲 full size 照片都幾嘥位
於是今日嘗試將照片壓縮處理
將果啲用單反影嘅相不影響大小之下縮小容量
測試結果成功
將原本四百幾mb嘅相縮小到四十幾mb
效果都幾滿意
網站瘦身
街霸回憶
今日上網摷返啲街霸系列嘅rom
原來都冇拳皇出得咁多咁密
其實我都只係玩到街霸2後期嘅十二人版本
之後嘅街霸2十六人版好似都冇乜玩過
再之後果啲 Zero 1 2 3 基本上都只係聽過吓
當期時都已經好少會入機鋪打機了
然後再出嘅街霸III IV V根本上冇見過冇玩過
但最近見到街霸figures又忍唔住買嚟玩吓
畢竟阿隆阿Ken春麗都係我嘅成長一部份
所以近排又忽然想玩吓街霸
就好似好耐冇約老友打機一樣
一開街霸果個熟悉又陌生嘅畫面
果種熱情熱血立時擁上心頭
但是⋯⋯人過四十
望著個畫面拎著支手掣
只能單打對電腦
仲要兩round被KO
不禁有點唏噓又帶點無奈⋯⋯
當年情懷
突然間好想玩返以前嘅街霸系列
於是又重啓隻 Recalbox Project
仲專登買隻手指專門用嚟方便入games
之前都已經裝好哂隻 Recalbox
所以搬去隻usb手指行嘅程序都好快攪掂
萬事俱備開機試玩
拳王系列算係入齊喇
街霸系列有1、2同埋Zero
仲有 Biohazard3
還有幾隻 4P game 看門口
可以玩返以前嘅回憶
睇見個電視畫面
真的有點感動
但現在只剩下自己一個單打
便有點孤獨感⋯⋯
2018母親節
今日星期日都要開工
搵食越來越艱難
人手不足但又要維持質素
聽落都非常茅盾
收工後和外家吃母親節晚飯
今年的母親節便是這樣渡過