Ghöz | SnG | SnGhome.UK
對上一次揼骨應該都係幾年前嘅事
近嚟腰酸背痛真係好想比人揼吓爽一爽
於是乎網上搜尋睇吓邊度有按摩好介紹
一搵最就腳就係?間 Urban Retreat
貪佢夠近唔洗長途跋涉上深圳
雖然係貴少少但時間慳唔少
今日去做個全身中式按摩90分鐘
按完真係髹好多
不過唔知係咪好耐冇揼骨
加上日日返工對住個腦冇運動
按果時吓吓都好痛
按完好似被人揼咗一身咁
不過條腰的確舒服咗
爽完之後行去工廠區逛吓
以前不嬲都知上樓好多嘢行
但今晚第一次真係上去逐層逐層慢慢行
真係有意外驚喜
有護膚品又有衫褲又有玩具又有得飲飲食食
今晚我哋去到都六點幾七點
啲鋪都開始打烊
但係有人都買到滿載而歸
行完買完就去食晚餐
?座工廠大廈都有好多選擇
我哋三心兩意之下
最後揀咗食海鮮併盤加串燒
但食完先覺得有點中伏
可能係我哋食嘢要求高咗
不過支手工啤酒真係有驚喜
下次可以淨係飲啤酒都OK
記得好多年前開始接觸 Linux base 嘅 ubuntu
冇十年都有八年應該大約係零九年
當年都仲未轉用 Apple Mac
除了 Windows 都唔識用其他 OS
認識 ubuntu 係因為佢個圖象介類似 Windows
操作上好快可以適應
仲記得當時第一部 notebook P7120
因為行 Windows XP 比較慢
所以安裝個 ubuntu 嚟用
感覺真係爽好多
但當年都只係用個圖象介面唔識用 command line
所以都唔算真正接觸 Linux
近日因為攪個 Website
所以要學吓用 Linux
而個 official Raspberry Pi 嘅 OS Raspbian
本身就係 ubuntu 變化出來
所以用起上嚟好有親切感
於是乎琴晚屎忽痕 download 個最新版本嘅 ubuntu server 落嚟玩吓
一睇原來已經咁多年轉咗咁多個版本
當年係用 9.10
現在最新 version 係 16.10
但我想玩 Server 版
所以下載了 Ubuntu Server 16.04.2 LTS
唔用最新版 Ubuntu Server 16.10 係因為 LTS
LTS stand for Long Term Support
感覺好似會穩定啲耐用啲
雖然我都只係裝落個 VMware 玩吓
但唔排除第時有機會轉用嘅
因為今日重頭起個 website 入去
感覺好爽好方便
再試吓 restore 現行用緊個網站 data 入去
完全快捷冇難度
所以當年冇比心機學好佢都有點後悔⋯⋯
少部份零碎問題都逐步逐步慢慢解決中
困擾了長時間的 Size Limit 都完全解決了
簡直係將個網站卐解一樣
感覺好爽
不過唔知係咪物極必反
電腦嘅形容詞係有 bug
解放了限制隨之而來係另一個問題
不過問題不大可以容忍
近呢幾日長期對住隻 web server 係咁砌
但學識基本 linux 操作
又認識了 MySQL 嘅皮毛
感覺獲益良多
個網站經過多日來的爬文
跌跌撞撞多次失敗後
一路以來焦點放喺個 WordPress
原來個問題係出在 apache 身上
今日終於解決到最後一個難關了
上載大小限制終於都知道點樣放寬
雖然好似都仲有少少零碎問題
但大至上都算係攪掂咗這個網站遷移 project
未來日子希望順順利利用到十年八載啦