Ghöz | SnG | SnGhome.UK
今日突然又好多嘢要去做
首先起身後便出發去探岳父
然後車埋岳母返屋企
先再去大榮華飲茶
飲茶期間NTI打嚟話今日師傅有空檔
問改今日打臘得唔得
我見都係要去攪一次
所以就突然多咗個項目要做
駛架車去擺低後
便去APM行一陣
再去觀塘廣場買個老人家電話
原來呢家想搵個有掣撳嘅電話都唔易
成個APM都搵唔到
要走到去觀塘廣場先有兩間有得賣
買完電話後就去咗工廠區一間 cafe 飲杯咖啡
等到六點幾先返去攞返架車返屋企
夜晚整個雞扒沙律加羅餸湯做晚餐
咁又過咗個 weekend
明天又要繼續打拼喇
繼續遲來的冬天
二月尾的一個十一度週末
今日起身後做做家務
然後落街食個早＋午餐
之後補給少許日用品
返屋企 hea 一陣
再去靈實探吓岳父
晚上作客阿妹家晚飯
咁又過了一個週末
近嚟公司喺尾腳果邊發生大地震
據聞死傷非常嚴重
未知香港呢邊會否受到影響
但傳說將會有一定程度變動
希望到時都可以逆來順受啦
今晚受到威脅影響
收工後同同事去飲兩杯輕鬆吓
順便八吓有咩消息
但上面睇嚟都好口密
都係冇乜新消息
唔知咁嘅狀況會維持幾耐呢？
今日開咗呢個網址放住個 blog 先
其實我唔太想將自己嘅 data base
放喺出面嘅 host 公司
雖然免費同好方便
去到邊都可以用手機發佈
但總有一天間公司會執凹
到時所有資料就⋯⋯
所以都係放喺自己控制到嘅地方最實際
起碼自己想點都得
自由好多
現階段諗緊硬件問題
之後便起個 Server 或 NAS 裝 WordPress
希望第三代網站可以今個月完成啦
其實現在使用中設備（iMac 除外）都起碼用了五年或以上
電腦嘢嘅壽命都幾乎走到盡頭
所以都有哂心理準備隨時擺工
下一代嘅前題係可以零活控制
方便將資料”搬運”做 backup
咁就可以安寢無休喇