每日返工都好似等死咁
完全冇目標冇方向
好似迷失咗又就嚟沉船咁
真係又徬徨又恐怖
老友今日生日
Sent 個訊息問候吓
同證實咗佢移咗民去美國了
也難怪嘅
今時今日
有得走有能力走都應該走
冇理由留下來攬炒丫
唔為自己都要顧及啲細嘅
祝你喺果邊生活愉快
順順利利啦
得個且個
發掘潛能底線
隻NAS嘅潛力有好大發展空間
今晚試咗直出 Apple TV 播旅行原片
初時都未摸到可以點射出個電視
但後嚟摸吓摸吓就Okay了
相比起舊果隻真係夯好多
播片亦都可接受的暢順
遲吓煲耐啲再加Ram行VM試吓
得嘅話就真係一機旁身世界通行了
埋頭苦幹
去完旅行後的兩個月
才正式開始執相
頭兩三日都比較輕鬆
兩個人三部機
都可以好快校啱啲時間軸
但往後果啲就會比較困難喇
不過現今個個都用iPhone影相拍片
而個iPhone本身會自動校啱個時差
所以問題都冇以前咁煩
不過⋯⋯
其實最大問題係好難收返齊啲相⋯⋯
DLNA難題
早排 upgrade 咗隻 NAS
諗住都攪掂啦
但近日發現原來隻 Sonica DAC 有古怪
除咗 mp3 之外其他格式播唔到
明明之前冇問題可以播到 wma 或者 m4a
玩咗好耐以為係隻 NAS 有問題
但其他設備例如電視或手機又冇問題播到喎
於是又開返舊果隻 NAS 對返啲設定
點知又播到舊果隻 NAS 嘅 m4a
但始終新果隻又播唔到
究竟哪裡出狀況呢？