原本以為風平浪靜又一天
可惜臨收工前先出事
好衰唔衰今日英國假期
英國同事放假冇人返工
但又冇人通知邊個會接我手開工
坐咗一個鐘兩個鐘都未見有人返工
最後等到晚上九點先有人接手
一做就坐咗七粒鐘
毛啦啦額外多咗半更
最激氣係有被昆嘅感覺
放假OT但又唔講下更都係冇人
咁點解英國放假可以擺空城計但香港唔得？
真係嬲爆！
孤獨的默默的在待宰公司白花油
究竟留低係好事定係攞錢跳船先係明智之舉呢？
開始有點傻傻分不清⋯⋯
復活OT
宿醉週日
已經諗唔起琴晚幾時瞓著了
今天起身勁頭暈又冇乜胃口
直到下晝先恢復原狀
近排發覺自己好易醉
所以出街都已經少飲咗
不過喺屋企就可以任性少少
最多咪瞓廁所門口
今天book咗下午去按摩
然後夜晚去了駱駝漆大廈行吓
食埋晚餐後便返歸
準備明天紅日假期開工了
復活節週末
今天起身便去大榮華飲茶
然後返屋企坐一陣
跟著出發去荔枝角果個饒宗頤博物館行吓
未去過嘅可以去睇睇
不過就真係冇咩好睇
遊玩完便返屋企食晚餐
今晚想覆制番喺倫敦食果個西班牙火腿
雖然香港有得賣
但試完都係覺得倫敦果間豬肉佬味道好啲
今晚四個人飲飲食食吹吓水
開心渡過一個復活節晚上
復活節假期
難得紅日唔洗開工（但唔知係好事定壞事）
起身後便去了西貢食個 fish & chips
始終都係呢間最好食
就連英國食果兩次都冇呢間咁好食
食飽再去飲杯珈琲
之後便去洗車
攪掂後再去APM行陣
再買晚餐返屋企食
飲吓酒睇場戲又一晚