工作情況非常惡劣
嚟緊轉變應該會好巨大
而選擇只得兩個
一係做一係走
表面上一切暫時照舊
但好似焗你簽完賣身契先慢慢炮製你
感覺超不爽
愁雲慘霧
最後調整
今日管理處終於派人上嚟睇睇個天花滲水問題
但條友只係上嚟望兩眼
然後話如果見到有水跡先再叫人上嚟研究吓
我心諗根本想耍我啦
唔通要滴哂水先叫滲水咩
不過我哋呢啲舊樓
要維修係在所難免
加上個管理處有幾 hea 都心中有數
就即管等有水跡先再影張相叫佢哋跟進啦
隻 NAS 煲再接近一星期
效能相當滿意
調整工作亦都將近尾聲
大部份資料已經轉移到新 NAS 運行中
呢家諗緊隻舊 NAS
退居幕後繼續做啲輕量備份工作
定係完全退役處理掉好呢？
雖然它又真係慢到一個點
但始終都服役八年仍然行得走得
就咁棄掉都係好浪費
就比啲時間諗吓點樣可以有效運用啦
換得太遲
今日 setup 好個 DLNA
睇咗套日劇同睇咗場戲
完全冇滯冇停冇遲鈍
換咗隻NAS真係一身爽哂
心情沈重
今個星期情緒非常低落
各方面都不太理想
今天公司公布嚟緊嘅重整架構
睇落好似冇乜大問題
但是否咁順利可以過度？
如果真係咁理想點解啲大粒嘅一早跳船呢？
不過諗多無謂又控制唔到
騎牛搵馬做得一日得一日啦
屋企隻新 NAS 進展比預期快
今天已經抄哂 data 可以搬過去用喇
舊果隻可以退居幕後做後備嘅後備
不過新果隻仍然有兩個新功能未摸透
仍然有改進空間