Ghöz | SnGhome.UK
今天初四咁嘅樣在正月十一開工
放完兩星期大假後返工的樂趣
真的盡在不言中
但幸運地琴晚瞓得好安祥
今天一覺醒來沒有感到時差不適
但香港的空氣極度差
果邊凍到飛起都冇事
今日一起身就感覺喉嚨唔多妥
我諗香港真係唔適合我居住⋯⋯
夜晚屋企發生了一點意外
話說煮煮吓飯有人走入廚房
撳住隻左眼話整親
起初以為眼啜毛入眼
但一睇見到隻眼出血
當堂呆咗
即刻熄火帶隻論盡豬去睇醫生
但平時睇開果幾間都派哂籌冇得睇
最後搵到去油麗商場死角位先有得睇
仲要醫生八點半閂門
我哋八點廿七分先埋舟
好彩睇完醫生話冇大礙
只係傷咗眼白表皮
過一星期如果冇再腫就冇事
不過真係唔知就嚇死知就笑死
隻論盡豬除穩形眼睛時篤親隻眼
咁都可以整傷自己⋯⋯
可想而知平時有幾論盡??♂️
今天基本上都係屈喺隻飛機入面吽咗大半天
琴晚倫敦時間晚上十點起飛
食咗兩餐瞓咗幾粒鐘睇咗兩套戲
到香港時間六點返到
全程呆坐十二小時真係呆呆地
落機攞齊行李便打的返歸
兩星期的英倫之旅正式落幕
明天又要回復忙碌生活
上班搵錢準備下次旅程了
嚟到今次旅程最後一天了
早上 check out 後行一會 Hyde Park
然後去 Victoria and Albert Museum 行吓
再食個 brunch 之後便過去 Harrods
心水選擇睇唔啱所以都係空手而回
不過都買咗幾罐餅做手信
跟住搭車去 Covent Garden
今日週末所以都幾多人
而且都幾多街頭表演幾多嘢睇
再行吓 Apple Market 就有點收獲
有人買到隻木製錶殼嘅手錶
價錢都唔貴而且幾特別
行完 Apple Market 後
便去 The Rock & Sole Plaice 食個 fish and chips
嚟咗倫敦食第三次
今次係最好味嘅一次
不過都係冇西貢果間咁好味
食飽後便開始回歸旅途了
首先搭車回酒店拎行李
然後行去火車站搭火車去機場
攪埋退稅後便寄行李
過埋安檢過海關便入禁區
一切準備就緒但仲有大把時間
最後衝刺洗埋啲大餅後
便上機踏上回歸旅途了
蘇格蘭之旅嚟到最後一日
起身執好包袱便起程回愛丁堡
不過不甘平淡的我們途中梗會有節目啦
我們首先去多間酒莊參觀
呢間酒莊比琴日的更加好
有免費 tour 仲有得免費試飲幾隻威士忌
仲要每人都送一隻威士忌酒杯
買酒仲有優惠價添
所以我哋都買咗支限量版威士忌
睇完酒莊後便繼續趕路
路途中在 Perth 食咗個 lunch
這間門口有米芝連推介
食落味道真係好好食
就連不喜歡吃魚的我們也覺得好味
吃飽後又繼續開車去機場
途中入滿油後順利到達還車
我們的 Defender 便任務完成了
雖然架 Defender 外型非常威猛
但今次試駕後感覺都係唔會在香港揸這款車
因為真係太大舊而且棍波車好麻煩
所以今次享受過她的樂趣已經心滿意足了
我們去到愛丁堡機場後便開始寄行李作業
由於我們搭廉航所以行李重量有點麻煩
之前執行李都已經左砌右砌
去到機場又要出絕招但係都未能順利通過
最後都好彩埋到櫃臺四隻喼都可以上機
過完一關又要過安檢這關
今次有經驗後冇上次咁呢hea
但排我前面條友勁麻煩
隻住對 ski boots 上機過安檢當然要除鞋啦
等佢除哂身上所有嘢真係等咗十分鐘以上
真係等到火都嚟
不過安檢我就冇大問題順利又過一關
過完安檢後在免稅商店購物
女士們買護膚品男士們睇威士忌各有喜好
最後女皇又有收穫
佢話比香港買平一半價錢
所以都真係幾抵
買完嘢便跑去登機
最後一關都冇乜問題順利上到機
一小時左右機程便回到倫敦
拎齊行李再坐一小時巴士回到 Paddington
到酒店 check in 安頓好後
便出街吃晚飯
今次旅程最後的晚餐我們再次去食 ham
這間賣火腿的店鋪真係值得回味
店員很有性格但服務很好
食物質素亦都很好
我們飲飽食醉便返酒店
回到去開始執拾行李
返香港我們搭國泰
每人可以寄兩件行李總重量最多30kg
所以問題不大
執好後已經凌晨兩點幾
沖個涼瞓一覺
準備明天便要回香港了