終於出發了
今天行程主要係食同瞓
一早起身 call 架 GoGoVan 去機場
攪掂寄倉行李便食個早餐然後等上機
大約四個約鐘機程又食咗個飛機餐
落機後攞齊行李上旅遊巴又眠一眠
中途站食個晚餐後便繼續趕路
大約四個幾鐘車程終於到達目的地
搬好行李入房後又充忙地去沖涼浸溫泉
然後先 set 好塊板
準備明天開季第一滑
2018斑尾野澤第十二季滑雪之旅第一天
準備出發．2018雪季始動
今天主要活動係執行李
新喼確係大咗
執嘢入去鬆動咗
的確冇揀錯
來到第十二季
興奮感覺冇從前般強烈
但仍然好想去滑雪
希望今季都順順利利
唔好受傷唔好有意外
天氣亦都風調雨順
要風得風要雪得雪
可以有一個開心愉快嘅雪季
準備放假
終於都捱過今星期
但臨收工先有嘢做
攪到六點半先走得
收工後去了太古城食晚飯
再行一陣便返屋企了
明天要執包袱
準備今季滑雪之旅
一次比一次嚴重
真係低處未算低
今次直頭全條東鐵線癱瘓
嚴重程度應該係最高喇呱
但港鐵嘅反應同應變措施都好似求求其咁
唔知係我有問題定係多疑
硬係覺得係因為要轉移視線
點解要轉移視線？
近幾日最大單嘅新聞咪就係新官上任又僭建
總係覺得每次政府有高官出事
都會有另一單更震撼嘅新聞蓋過
都唔知係巧合還是啱啱遇上剛剛
但最慘都係受影響嘅港鐵乘客囉⋯⋯