Tag: 退休生活

以前啱啱入行果時乜都唔識
唔抗拒接受新事物
乜都會走去試
摸吓摸吓學到好多嘢
當然中途會試過撞板
但後生輸得起
跌倒又可以好快復原
爬返起又繼續由頭嚟過

不過唔知幾時開始害怕轉變
驚辛苦建立嘅嘢會被催毁
好驚要學習新事物
驚一朝醒來乜都冇哂

但時晨到了要留也留不住
從頭開始真的很恐怖

馬死落地行
人生好彩的可以一帆風順
唔好彩的會經歷高山低谷
要努力面對克服恐懼
希望有一日又可以回到安穩的舒適圈

見工果時都自覺表現麻麻地
再加上佢哋講到要輪班返紅日
所以都諗住冇乜希望
但世事往往出其不意
見完工差唔多一個月後先再問我攞資料
來來回回仲要攪咗兩星期
終於今日打嚟話會請我
本來之前都仲係話冇幾多幾多就唔過檔
但現實係好少少都想試一試
當係比個機會自己啦

第二十日便結束退休生活了
好耐冇返工
地方有點陌生但又帶點熟悉
現在時勢搵返份工都不能太高要求了
慢慢習慣吓應該可以適應到嘅
不過始終都唔係長久嘅落腳點
做住先有啲收入都好過坐喺屋企做量地丫

原來今日凌晨掛咗九號風球
不過起身時已經打完風了

經過十九日量地生活
明天又要開始工作
雖然只係合約形式
但係都做住先
希望唔會太辛苦啦