仲有四日便出發去北海道滑雪
但心情好複雜
咁嘅時勢理智上係應該取消行程
但肉體上又好想去玩
暫時肉體戰勝了理智
但願今次都會出入平安啦
茅盾
開操
今晚收工襯唔洗煮飯
所以走去跑咗兩公里
今季第一課係有點吃力
希望之後每週跑一次
可以好快恢復到體能啦
又做水喉佬
禮拜六嘅節目
就係家居維修
同埋滑雪裝備升級
首先係測試隻電單車頭盔耳機
初步測試效果滿意
音質非常好
不過都要實戰測試先知結果係好定唔好
唯一擔心係雪地溫度低會對電池續航有影響
希望唔會太快冇電啦
整完隻頭盔之後
便要打大佬換水喉
隻廚房水龍頭用咗十年
開始有滴漏問題
於是乎買過隻水龍頭換咗佢
幾經辛苦先換好
雖然都係新不如舊
但是都頂住先啦
攪掂啲維修項目後
便去馬頭圍食晚餐
間餐廳之前都去過兩次
質素有保證
今晚都唔例外
個意粉同甜品都有驚喜
真心可以推介比朋友
準備下季滑雪
原先諗住去韓國 shopping
因突發事件所以取消了行程
但又要準備下季去二世古嘅滑雪裝備補給
於是乎今晚去了 Island Wake 睇睇
雖然今季款色不多
但試吓 size 揀吓款都唔錯
最終都係乜嘢都冇買空手而回
不過大致上都有個大概
乜嘢牌子乜嘢 size
之後便可以上網採購了