Ghöz | SnGhome.UK
連續兩天食個和式早飯
聽朝都好大機會一樣
食飽執齊包袱就起程
首先去附近一間珈琲店飲杯珈琲
然後開兩粒鐘車去鳴子峽
離開小安峽時落緊雨
成個環境又唔同睇法靚咗好多
多咗一份煙雨棲迷嘅感覺
好彩到咗鳴子峽時便停雨
個景色又有另一番感覺
比之前去過嘅奧入瀨更多黃黃紅紅
更好彩嘅係啱啱好影到架火車路過條橋
行完鳴子峽便繼續上路
去今次旅程另一個重中之重銀山溫泉
果條溫泉街真係幾靚
加上book咗間靚嘅溫泉旅館
有少少罪惡感花費太多
不過堅係開心嘅
可能之前住宿環境冇咁好
所以今晚酒店房靚到咁真係冇投訴
享受完百年老牌溫泉旅館之後
便開車前往抱返溪谷
又估唔到毛啦啦有個紅葉祭但冇乜紅葉
行個圈睇吓條回顧之淹
然後便繼續上路去角館參觀吓啲舊街舊屋
之後又開兩粒幾鐘車去小安峽
今天時間控制得好好
三點未日落便去到仲可以行吓
睇吓個峽行吓條橋遠眺條瀑布都好開心
最後去到間民宿都有驚喜
乾淨企理之餘個晚餐豐富都爆炸
不停食咗超過個半鐘先勉強食得哂
呢幾日都早睡早起
因為好早天黑夜晚又冇乜節目
唯有喺房飲吓酒早啲瞓
做咗兩晚 backpacker 感覺年輕咗 😅
今天食個杯麵做早餐
然後便執齊包袱出發
首先去遊吓田沢湖
然後食個 lunch 之後去浸溫泉
第一次去混浴池感覺冇乜特別
可能麻甩佬同女人觀念不同
冇乜嘢可以比人睇蝕 😅
浸完妙乃之湯後便開車去今晚個溫泉旅館
這個秘湯聲稱過百年歷史
不過旅館設施就真係好舊式
但溫泉嘅流黃味就勁濃烈
我哋 check in 完四圍行一陣
之後又再走去浸一浸
爽完之後抖一陣七點先去晚飯
食飽後又再去浸吓
但今次明明係浸緊個男湯
得自己一個浸緊時
突然有個女人走入嚟
兩人都呆咗
然後個女人走返出去
我都擔心係自己入錯湯
都係急急腳著返衫閃人喇
發生小插曲後便返房飲罐啤酒定吓驚
然後便準備瞓覺
諗咗成晚都係用返之前果個行程計劃但逆行
起身食個民宿早餐
然後便執齊裝備開車出發
去到奧入瀨溪流入口泊好車
便開始今趟旅程重中之重
一路行一路慨嘆好靚好靚唔知幾多之
由天陰陰多雲行到出太陽
今次真係衝破魔咒最夯作
每一處都係靚到一個點
求其影一張相都係代表作
我哋八點開波行到十二點
行咗四粒鐘去到石ケ戸休息點便結束
又好好彩即刻有巴士返到去子ノ口
攞返車後便去入油
然後去食個 lunch
再揸車又入返去奧入瀨
上到去奧入瀨溪流館行吓
又好好彩見到有地區限定版 mont bell tee
於是乎買咗比自己開心吓
埋個 tea 便遊吓個十和田湖
點知臨尾段路程封咗路
卒之又要揸車返轉頭
最後又係天黑先返到旅館⋯⋯