2025藏王 – G-Blog

藏王歸來之後

去完旅行後的正常操作
都係執嘢執嘢同埋執嘢

基本上今天都係肉身移動日
一早起身食完早餐就開始上路
首先出去仙台駅食個善治郎牛舌丼
仍然保持水準好好味
食飽就去仙台空港坐飛機返香港
五小時機程落機攞齊行李
便打的返歸
六天吃喝玩樂遊山玩水就此結束
下星期繼續

話咁快就最後一天滑雪
天氣狀況麻麻好大風
本來諗住搭纜車🚡上山頂
但係因為大風所以纜車冇開
而且又多人所以排隊都排咗成粒鐘
先至上到半山
滑咗兩轉就劈返過去琴日果度玩
不過因為傷患所以都係輕輕鬆鬆
玩吓又抖吓咁
就完成咗今季最後一滑喇

本來諗住今日悠閑地滑
但最後今日滑行時間暫時係本季最長
原先今日落雨諗住滑一陣就算
不過滑吓滑吓啲感覺又幾好
到食完lunch仲落雪添
滑行感覺即時提升
卒之玩到差唔多四點先收工
希望聽日繼續好雪可以有個盡興聖誕滑雪啦