今朝喺個營入面焗醒咗
然後便起身刷牙沖吓咖啡
再食個早餐之後便開始執嘢
烈日當空之下暴曬非常辛苦
所以今季都應該完結喇
等天氣涼啲先繼續搖曳露營啦
開心快活後
佛誕勞動大露營
終於都可以戶外鬆吓喇
不過又要低調啲
雖然如此
我哋依然玩得好開心
如何回到當時
唔知係咪潛伏喺心入面嘅露營細胞突然甦醒
近排好想去返以前去過露營嘅地方睇吓
90年離開第二旅之後
都有零聲一兩次
同啲中學同學去過浪茄同埋長沙露過幾晚
之後便到近年（廿幾年後）去扶輪同降下凹
諗番以前細個一班人無憂無慮
一隊人通山闖蕩的確非常開心
但人大了想拾回童年回憶係幾困難
雖然比得起錢買當年買唔起嘅裝備
不過當年一起嘅隊友已經不知去向
加上年紀唔細體力同衝勁都不復當年勇
現在只能用金錢堆砌少少自娛嘅情景開心吓
今日下午去了觀塘逛了三間露營用品店
買了隻蚊香同一把摺刀
諗咗好耐又爭扎咗好耐
最後都係買咗
雖然係可有可無嘅嘢
但平時都會用到
所以都很開心
特別係戶外活動時又用得
用起上嚟應該爽快度 +3
夜晚同啲朋友晚飯聚會
疫情之下出街都算係高危高消費活動
但係又真係好耐冇見
加上日日屈喺屋企都真係好想外出走走
所以今晚都幾齊人
飲飲食食吹吓水
希望我哋唔會變咗新金多寶小廚群組啦
南灣露營
真係好耐冇去露營了
今日雖然天氣麻麻地
但我哋依然照計劃進行
朝早去食完嘢便開始搜購燒烤物資
然後返屋企執好行裝
五點左右便開車出發
到步後便開始食食食
六點幾一路燒到兩點幾
不停吃喝玩樂
最後先起營
再 hea 到差唔多天光五點先瞓
盡情燃燒僅餘青春