一班人一早起身便去飲茶
飲完後有個要返歸
有個就要去開幾個鐘工
有個就上咗我哋屋企 hea
到三點又開車去接返收工果個
然後去西貢食個 fish & chips
跟著便去 Moni Stand 飲杯珈琲
再 draft 個 英國行程
傾到天黑再開車返去會所打乒乓波
打完又去富臨食個晚飯
圓滿完成兩夜一日的宿營
兩夜一日 Crazy Crew Camp
新舊保安系統的分別
今天去了 apm 果間 Apple Store
將女皇的iPad mini補錢換成iPad mini 4
今次比上次順利好多
因為經過上次先知個 Apple ID 被鎖
今次準備充足唔洗半個鐘就完成走得
不過原來舊果部同新果部嘅size有出入
所以又要喺淘寶買返個保護殼同螢幕保護貼
順便一提 Apple ID/iCloud 個賬號保安係有兩種
原來我用緊係舊款而女皇所用嘅係新款
而且女皇部舊款 MacBook 個 OS X 10.9
係唔支援新款嘅賬號保安系統
所以之前想 update app 入密碼都冇反應
入咗幾次便 lock 咗 account
反而我用緊舊嘅賬號保安系統就完全冇呢個問題
真係比佢吹漲！
冇笠的苦惱
屋企大廈果架笠壞咗幾日都未整好
日日出入都要行樓梯非常麻煩
都唔知幾時先整得番好⋯⋯
今日終於都睇返神奇女俠
竟然又幾好睇喎
之前冇去戲院欣賞真係有點嘥咗套戲
好彩家中影音設備都唔算臘鴨
雖然某啲場面比較誇張
但作為娛樂片已經算係交足功課
故事完整交待了來龍去脈
希望下一部正義聯盟唔會又淪為爛片啦
重新擺位
今日執執套音響擺位
執嚟執去都係唔係好夠位
始終都係土地問題冇辦法解決
講返套設備
以前唔識嘢
原來音響系統嘅線材係有方向性嘅
幾年前買咗套嘢返嚟
求其駁好有聲出就收貨
但近排屎忽痕想玩吓音響
所以都研究吓點樣用最少資源提升最大質素
今日執位時先發現原來之前條喇叭線插錯方向
當然見到有錯就要更正啦
唔知係咪心理作用
又好似順滑咗喎
不過條雞中之霸
始終都係攪唔掂
真係雞肋雞肋
食之無味棄之可惜也