今日去咗長沙灣
因為要拎返之前整果套清酒杯
好好彩去到又有錶位
泊好車便去食嘢
最好笑係排錯隊
原來揀好咗果間餐廳係喺隔離
但我哋見到多人排隊就以為係果間
真係論盡
但又估唔到間餐廳噏噏耷耷
不過又幾好食
下次要去試吓個扒
食飽拎咗套杯
便返歸了
夜晚去隔離座晚飯
個小朋友越嚟越大隻
碌髀已經粗過我了
真係可愛
抗疫週末
宅在家中
現在疫情比二三月時更嚴重
每日新增確診都二三十
所以都係閉關在家中最穩陣
輕鬆週末
完全自閉
完全放空
週末節目
雖然放五日連假
但都冇咩節目安排
都係去吓飲茶
同埋行街食飯咁
特別嘅只係去尖東 K11
未去過都幾多嘢可以行吓
同埋泊車優惠都唔錯
可以多啲去吓