Ghöz | SnGhome.UK
今天去了 apm 果間 Apple Store
將女皇的iPad mini補錢換成iPad mini 4
今次比上次順利好多
因為經過上次先知個 Apple ID 被鎖
今次準備充足唔洗半個鐘就完成走得
不過原來舊果部同新果部嘅size有出入
所以又要喺淘寶買返個保護殼同螢幕保護貼
順便一提 Apple ID/iCloud 個賬號保安係有兩種
原來我用緊係舊款而女皇所用嘅係新款
而且女皇部舊款 MacBook 個 OS X 10.9
係唔支援新款嘅賬號保安系統
所以之前想 update app 入密碼都冇反應
入咗幾次便 lock 咗 account
反而我用緊舊嘅賬號保安系統就完全冇呢個問題
真係比佢吹漲！
屋企大廈果架笠壞咗幾日都未整好
日日出入都要行樓梯非常麻煩
都唔知幾時先整得番好⋯⋯
今日終於都睇返神奇女俠
竟然又幾好睇喎
之前冇去戲院欣賞真係有點嘥咗套戲
好彩家中影音設備都唔算臘鴨
雖然某啲場面比較誇張
但作為娛樂片已經算係交足功課
故事完整交待了來龍去脈
希望下一部正義聯盟唔會又淪為爛片啦
今日執執套音響擺位
執嚟執去都係唔係好夠位
始終都係土地問題冇辦法解決
講返套設備
以前唔識嘢
原來音響系統嘅線材係有方向性嘅
幾年前買咗套嘢返嚟
求其駁好有聲出就收貨
但近排屎忽痕想玩吓音響
所以都研究吓點樣用最少資源提升最大質素
今日執位時先發現原來之前條喇叭線插錯方向
當然見到有錯就要更正啦
唔知係咪心理作用
又好似順滑咗喎
不過條雞中之霸
始終都係攪唔掂
真係雞肋雞肋
食之無味棄之可惜也
天文台話有機會明早掛八號
突然間咁多風吹嚟香港
唔通同李生徹資有關?
今日都冇乜特別節目
都係飲茶然後飛髮
晏晝喺屋企 hea
四點半去按個摩
最後去駱駝漆大廈行吓
食個晚餐便設歸喇