今日執執套音響擺位
執嚟執去都係唔係好夠位
始終都係土地問題冇辦法解決
講返套設備
以前唔識嘢
原來音響系統嘅線材係有方向性嘅
幾年前買咗套嘢返嚟
求其駁好有聲出就收貨
但近排屎忽痕想玩吓音響
所以都研究吓點樣用最少資源提升最大質素
今日執位時先發現原來之前條喇叭線插錯方向
當然見到有錯就要更正啦
唔知係咪心理作用
又好似順滑咗喎
不過條雞中之霸
始終都係攪唔掂
真係雞肋雞肋
食之無味棄之可惜也
重新擺位
悠閒週末
天文台話有機會明早掛八號
突然間咁多風吹嚟香港
唔通同李生徹資有關?
今日都冇乜特別節目
都係飲茶然後飛髮
晏晝喺屋企 hea
四點半去按個摩
最後去駱駝漆大廈行吓
食個晚餐便設歸喇
睇波星期六
哈比朋友昨晚在家借宿一宵
今早一起身賭場波贏餐茶
食飽便散水去洗車
之後宅在家中欣賞甲子園球賽
今天產生八強隊伍
明天四場八強戰
星期一休息一天
星期二兩場四強戰
星期三決賽加閉幕
所以得番三日有波睇了
香港高級視聽展
近期迷上音響玩意
人人都以為玩音響好貴
但其實平有平玩貴有貴玩
一千幾百買部大陸機一樣可以玩得好開心
當然洗多啲錢買部名牌歐洲機啲聲會好好聽
不過豐險由人自我感覺良好就得啦
今日去了視聽展
見識過啲高檔貴價嘢
但自問玩唔起
只係買隻 Cambridge Audio 嘅 Phono AMP 補一補已經好滿足
同埋襯特價買咗幾隻黑膠碟
拎住一袋二袋真係好開心
收獲非常豐富