今日又做水喉佬
更換馬桶組件同埋咸水喉管
前兩日發現漏水
等咗兩日襯今日放假便緊急維修
攪咗半天整完都好彩攪得掂
希望今次係最後一次麻煩事啦
攪掂個廁所工程後便去睇場戲
個故事係幾有趣但成套戲嘅節奏又悶又慢
睇完戲去德福食個晚飯
然後返屋睇曹星如
睇見佢打到額頭都腫晒
真係睇見到痛
但最後都憑點數加點運氣
成功廿二連勝
睇見香港人有咁嘅成績都好興奮
水喉佬
中秋做節
今天起身後去了圖書館攞書
然後便去飲個茶
跟住返屋企執個音響組合
夜晚同家人吃晚飯做中秋節
但氣氛已經同細個果屎好唔同
雖然都係一家人坐埋一齊食飯
不過好似一種形式咁
冇咗啲熱鬧氣氛
好似只是每年每個時節指定動作
為了慶祝而慶祝但不投入⋯⋯
兩夜一日 Crazy Crew Camp
一班人一早起身便去飲茶
飲完後有個要返歸
有個就要去開幾個鐘工
有個就上咗我哋屋企 hea
到三點又開車去接返收工果個
然後去西貢食個 fish & chips
跟著便去 Moni Stand 飲杯珈琲
再 draft 個 英國行程
傾到天黑再開車返去會所打乒乓波
打完又去富臨食個晚飯
圓滿完成兩夜一日的宿營
新舊保安系統的分別
今天去了 apm 果間 Apple Store
將女皇的iPad mini補錢換成iPad mini 4
今次比上次順利好多
因為經過上次先知個 Apple ID 被鎖
今次準備充足唔洗半個鐘就完成走得
不過原來舊果部同新果部嘅size有出入
所以又要喺淘寶買返個保護殼同螢幕保護貼
順便一提 Apple ID/iCloud 個賬號保安係有兩種
原來我用緊係舊款而女皇所用嘅係新款
而且女皇部舊款 MacBook 個 OS X 10.9
係唔支援新款嘅賬號保安系統
所以之前想 update app 入密碼都冇反應
入咗幾次便 lock 咗 account
反而我用緊舊嘅賬號保安系統就完全冇呢個問題
真係比佢吹漲！