Ghöz | SnGhome.UK
坐咗十二粒鐘以上
瞓吓醒吓屈住屈住
到德國慕尼克時係五點零鐘
機場好多店鋪都未開
等了兩粒鐘左右轉機去米蘭
又坐一粒鐘後便到達
再坐個幾鐘車去酒店
好好彩去到酒店可以提早 check in
攞咗房放低行李洗個臉
便出去行吓
主要係去參觀米蘭大教堂
白色外牆都幾特別幾靚
影吓相打吓卡例行旅遊動作
參觀完後便行過隔離艾曼紐二世迴廊
食咗個豐富午餐
食飽再去睇埋個城堡及小凱旋門
米蘭話大唔大話細唔細
我哋第一日便行完了
晚上求其食間地道 pizza
再看看晚上的大教堂
第一天行程都係舟車勞頓吃喝玩樂中渡過
返到酒店原本買定紅酒芝士慢慢嘆
但沖完涼瞓落床便睡魔急call
所以都係留返入到雪場先慢慢嘆啦
今天開始放假
瞓到十點半先起身
執吓嘢攪吓呢樣攪吓果樣
然後出去觀塘續車牌
觀塘果個運輸署真係好爽手
Book咗十二點半
我十二點五去到
十二點三十五分就攪掂走得
快過金鐘果間好多
跟著去食個 lunch
然後又返屋企無事忙
夜晚食埋個晚餐先出發
Book咗架van八點半
九點三便到達機場
好快手 check in 寄倉
然後過安檢入閘準備
首先坐十二個小時飛慕尼黑
然後等兩個鐘轉機坐一粒鐘飛去米蘭
第一天其實都唔算係有行程⋯⋯
要返歸了
一早食完早餐九點便出發
接近六小時車程去成田機場
在機場血拼兩小時
再上機坐四個半小時
便回到香港了
等齊行李再坐 GoGoVan
十二點半就返到家
今年嘅滑雪之旅又完結了
又要等三百六十天
下季再見了
話咁快已經是最後一天滑雪了
今天沒有目的地自由滑
但個場實在係冇咩特別
其實我哋第一天已經玩哂
不過一季只能玩幾日
冇乜理由唔玩盡佢
一開始便玩玩個 park
今天地面狀況良好
玩了兩轉便劈過去斑尾
但途中有人發覺唔見咗個電話
搵真啲銀包都唔見
才發覺應該係冇帶出嚟啫
真係虛驚一場
在斑尾滑了一陣便返過去 Tangram
回房休息一會便再出去玩多陣
不個下晝個地面好唔理想
搭 lift 個地面直頭係冰面
真係一唔小心便會跣到灘灘腰
在這情況下唯有鳴金收兵
今季到此為止了
總括今季我真係大倒退
完全好似變成唔識滑咁樣
又扭親手又淆底唔敢衝
比我去到大場都係冇咩用
所以今年目標係上世窗練習
期望下季可以做得更好吧