初三之後都好少出門
一嚟要慳住用啲口罩
又驚出外被感染
每日宅在家中
可以得閒玩返放低好耐嘅皮革製作
手作仔慢慢攪
自己都覺得好治癒
閉關週末
盡興
瞓咗幾粒鐘又起身食個靚早餐
食飽抖一陣又去玩健身
然後又去按摩池同乾蒸
之後退房出去行吓伯大尼教堂
再行埋薄扶林村
跟著去香港仔飲個茶
食飽便散水
之後我哋去咗太古城行街
飲杯咖啡食個 cake
原本想買件衫過年
可惜冇貨要訂
不過都訂購了星期三到貨
之前睇啱但冇買
好彩都未斷得哂可以喺第二間鋪運過嚟
如果唔係就真係蘇州過後冇艇搭喇
朱羅紀世界2
當年睇第一集已經覺得好好睇
但第二集開始走下坡
第三集直頭冇入戲院睇
嚟到廿幾年後的朱羅紀世界
感覺又好咗喎
可能係緬懷過去加咗分
雖然係新瓶舊酒
但都帶給我一陣的歡樂和舊屎嘅感覺
今日睇最新一集
明知都係啲人跑嚟跑去比恐龍追
不過都係會走去睇嘅
就好似星球大戰一樣
點都會追落去
今集都幾緊張刺激
作為娛樂片比足娛樂
算係不過不失啦
週日日常
最近經常開車去的地方是靈實
廿年前阿爺都曾經住過一排嘅療養院
感覺上和廿年前冇乜分別
只是從前坐小巴入去
現在自己開車入去
探完病去了新都城食lunch
然後回家做吓家務玩吓玩具
晚上再去游水
Hea游十個塘便去食晚餐
兩日假期好似冇乜嘢做過咁又過去了