之前因爲要upgrade隻NAS
所以拖咗成個月之後
家吓先又再繼續執去英國旅行嘅照片
相比起去滑雪啲相
今次英倫之旅又係一個艱鉅任務
之前去滑雪成個旅程夾埋都只係一百四十幾張相
但去英國之旅頭一日已經二百幾幅
真係滑雪同真旅行分別好大
不過執相都係一種樂趣
每次睇返旅行嘅照片
每段回憶又再湧上心頭
睇返啲相好似又再去多一次咁開心
而且呢兩日成功學識用PS’退地‘
日後要執相整logo或水印都方便好多了
執相前先執個嘜頭
好耐冇打壁波
自從隻手傷咗之後便開始懶惰
近乎零運動之下肚腩日漸彭漲
真係要的起心肝郁吓先得喇
今天去了打壁球
一小時 hea 住打
總好過冇郁過嘅
但夜晚又食返咁多
睇嚟都好難回復當年嘅身材了
下一波檔期
今天落實今年暑期之旅
隨即book好哂機票酒店
不得不佩服我哋嘅高效率
閉門埋頭苦幹大半天
由冇變有所有需要都掌握了
不過今次陣容非常強勁
十大四小總數十四人
今次真係扶老攜幼渡假團喇
應該唔會好趕喇呱
週日記
今日星期天
瞓醒後去 Mega Box 飲個茶
跟著行吓宜家
買咗啲唔等駛但又可以佈置吓家居嘅擺設
買吓嘢自己都開心咗
之後去睇咗場戲
這個系列應該都有廿年歷史
但又從來冇睇過一集
今次唔知算係 reboot 定係前傳
硬係覺得安祖蓮娜祖莉比較入型入格啲
睇完戲便去靈實探病
然後去了新都城間 UCC 食晚餐
差不多五舊水兩個人据個扒
但無論食物質素定係服務態度
都係唔係好得
究竟係我哋要求高咗
定係呢家香港嘅標準已經下降如此呢？