國慶日星期日
冇特定節目
瞓到自然醒
煮個米粉做早餐加午餐
然後做做家務再hea一陣
再去睇場戲
第二集都唔差仲幾好睇喎
值得買飛入場睇
睇完再食個759車仔麵
之後返屋企再食個芝士飲杯紅酒
享受生活的一天
國慶？是我的國慶？
無所事事星期天
過了熱鬧的兩天
今日回歸平靜了
瞓到自然醒
煮個麵食個 brunch
喺屋企執頭執尾攪吓呢樣攪吓果樣
之前淘咗個黑膠洗碟神器
今日終於有機會試用
人手洗再晾乾試聽
感覺隻碟面係乾淨咗
炒豆聲都少咗（純粹感覺上）
完全係自我感覺良好
夜晚出去食個車仔麵
再返屋企睇套戲
咁又過咗兩日假期
明天又要繼續捱了
星期天的日常
今日一起身就揸車去奧海城
冇乜特別原因
只是屎忽痕想去吓咁囉
去咗無良食嘢同行一陣
便返屋企後又再出去游水
快快脆脆游咗十個塘就收工喇
夜晚試吓間新開將嘅粉麵檔
價錢同食物味道都充滿誠意
屋企附近又多個選擇喇
烏龍洗車屋．威爾斯羊架
記得上次行街時無啦啦洗車公司打比我
話我架車洗完可以去攞
但我都冇去洗車所以以為佢打錯電話啫
不過今日去洗車時先發現
原來上次洗完車後佢哋比錯第二架車果張記錄卡我
咁就解釋到上次佢打錯電話嘅原因喇
應該同我換轉咗張卡果位車主都冇留意張卡攪錯咗
當NTI洗完搵車主攞車時就打咗比我喇
好彩今次去排隊等入閘時睇吓張卡
發覺有啲唔妥
點解有三次洗車會過咗期呢？
再望真啲
點解少咗咗多次洗車嘅？
再望真啲
點解個車牌唔係我架車嘅？
好在發現到
去櫃臺更正返就冇問題了
但下次都係要望清楚先好開車走喇
早兩日買咗頂級肉眼同埋威爾斯羊架
今晚煮咗個羊架嚟食喇
口感真係冇得彈
價錢唔算太貴
只係比紐西蘭羊架貴一點點
但肉質髹軟樕滑
真係食過返尋味
以後食羊架都要搵過這檔買了