Ghöz | SnG | SnGhome.UK
今朝瞓瞓吓電話響
老豆打嚟問我係咪喺香港
事源係佢上咗大陸但老家冇閂窗
其實冇閂窗都唔係咩大件事
但原來在我睡眠時不知不覺已經掛了八號風球?
所以就係咁假期都要晨早起身緊急出動⋯⋯
一來一回後去買嘢上外家食
然後返屋企 hea 吓
到三點半落返三號波便出去游個下水禮
游咗十個塘便走人
去駱駝漆大廈行行食食
無意中發現間賣高級食材店
睇落價錢同級數都好似好吸引
下次去 BBQ 真係要試一試
行完買完收穫滿滿後再行去 APM 食晚餐
食飽再去辻利食個甜品
然後便歸家去
完結豐盛的週日
原先諗住去飲茶
但臨時又取消咗
所以便改去西貢
食個 brunch 再去飲杯珈琲
然後又回家做家務再 hea 一陣
夜晚落街買外賣過隔離屋晚餐
輕輕鬆鬆又過了兩天假期
明天又要繼續搏殺了
今日起身後便去西貢食個 brunch
然後去 Moni Stand 飲杯珈琲
原本諗住再去游水
但又發生了一點事情
所以又返咗屋企
夜晚再去德福食個飯
再去 HMV 睇碟
點知 HMV 又做緊特價八折
咁啱又搵到目標獵物
於是又出血買了兩套大碟返屋企慢慢煲
由上星期買了唱盤開始
都未夠兩個禮拜
藏碟量已經去到十七隻
睇見都開心
隻隻都係心愛的珍藏
不過咁買法都唔對路
原先都係諗住一個月每人可以買一套
但一見到唱片鋪見到心頭好真係好難忍
又驚遲咗比人買咗
又驚下次搵唔返
不過真係要忍吓手
真係要一個月先好行一次唱片鋪喇
本來打算去下水禮
但突然被迫回家工作
個假期就咁泡湯了
但我又唔係飛虎隊
點解要隨傳隨到⋯⋯?