自從隻手傷咗之後便開始懶惰
近乎零運動之下肚腩日漸彭漲
真係要的起心肝郁吓先得喇
今天去了打壁球
一小時 hea 住打
總好過冇郁過嘅
但夜晚又食返咁多
睇嚟都好難回復當年嘅身材了
好耐冇打壁波
下一波檔期
今天落實今年暑期之旅
隨即book好哂機票酒店
不得不佩服我哋嘅高效率
閉門埋頭苦幹大半天
由冇變有所有需要都掌握了
不過今次陣容非常強勁
十大四小總數十四人
今次真係扶老攜幼渡假團喇
應該唔會好趕喇呱
週日記
今日星期天
瞓醒後去 Mega Box 飲個茶
跟著行吓宜家
買咗啲唔等駛但又可以佈置吓家居嘅擺設
買吓嘢自己都開心咗
之後去睇咗場戲
這個系列應該都有廿年歷史
但又從來冇睇過一集
今次唔知算係 reboot 定係前傳
硬係覺得安祖蓮娜祖莉比較入型入格啲
睇完戲便去靈實探病
然後去了新都城間 UCC 食晚餐
差不多五舊水兩個人据個扒
但無論食物質素定係服務態度
都係唔係好得
究竟係我哋要求高咗
定係呢家香港嘅標準已經下降如此呢？
正常星期日活動
感覺上從英國回來後都忙過不停
今天終於可以真正回復原有嘅生活模式喇
瞓到十點幾自然醒
起身便開車去西貢食個 brunch
之後再去享受杯珈琲
仲買咗兩隻安全地帶嘅黑膠
跟著去洗吓架車
最後返歸聽聽唱片
煮吓晚餐又過咗個 weekend
聽日又要繼續捱喇