現階段無法估計前景
只可見步行步
準備吓自己可行嘅選擇
首先初步已知事實係大老闆會賣公司
公布消息係最快或預期今年第四季簽約
即是話現在未有任何變動
直到年底正式被收購後
估計都要下年第一季先知會點樣合併
究竟會裁員定係可以留低真係冇得諗
所以下年出埋雙糧花紅之後
可預視嘅情況應該係走得嘅走喇
祝大家好運啦
動盪不安
911．過唔到今年……
今次真係震過貓王
一返工就見到啲咁嘅消息
重未試過遇到咁嘅情況
前路一遍灰懞懞
去留及公司方向都唔知會變成點
雖然年頭已經聽到小道消息會有轉變
但估唔到會咁大鑊囉……
今年嘅衰運真係衰到貼地……
只可形容為低處未算低……
一週之始
每逢星期一都係萬般不願意地起身返工
加上一個人孤獨地奮戰
日日都係忙到抽筋
真係想快啲放假去旅行⋯⋯
烏龍洗車屋．威爾斯羊架
記得上次行街時無啦啦洗車公司打比我
話我架車洗完可以去攞
但我都冇去洗車所以以為佢打錯電話啫
不過今日去洗車時先發現
原來上次洗完車後佢哋比錯第二架車果張記錄卡我
咁就解釋到上次佢打錯電話嘅原因喇
應該同我換轉咗張卡果位車主都冇留意張卡攪錯咗
當NTI洗完搵車主攞車時就打咗比我喇
好彩今次去排隊等入閘時睇吓張卡
發覺有啲唔妥
點解有三次洗車會過咗期呢？
再望真啲
點解少咗咗多次洗車嘅？
再望真啲
點解個車牌唔係我架車嘅？
好在發現到
去櫃臺更正返就冇問題了
但下次都係要望清楚先好開車走喇
早兩日買咗頂級肉眼同埋威爾斯羊架
今晚煮咗個羊架嚟食喇
口感真係冇得彈
價錢唔算太貴
只係比紐西蘭羊架貴一點點
但肉質髹軟樕滑
真係食過返尋味
以後食羊架都要搵過這檔買了