屋企大廈果架笠壞咗幾日都未整好
日日出入都要行樓梯非常麻煩
都唔知幾時先整得番好⋯⋯
今日終於都睇返神奇女俠
竟然又幾好睇喎
之前冇去戲院欣賞真係有點嘥咗套戲
好彩家中影音設備都唔算臘鴨
雖然某啲場面比較誇張
但作為娛樂片已經算係交足功課
故事完整交待了來龍去脈
希望下一部正義聯盟唔會又淪為爛片啦
冇笠的苦惱
一笑置之
呢家香港地啲人真係好大壓力
明明條路咁寬迎頭相遇應該唔會有身體接觸
但係見條友來勢兇兇
我已經行埋一邊避開佢啦
點知我越係讓佢越係進擊
係都要逼埋嚟撞吓我先安樂
好明顯佢係有意衝埋嚟撞我
當時第一個反應係摸吓自己有冇比佢噠嘢
係有怒火上沖但只是回望吓佢然後可一笑置之
無謂浪費時間喺啲無聊人身上啦
係時候買多份保障
今晚女皇約咗個保險朋友晚飯
介紹吓份危疾保險
其實買保險都只係買個保障
最好係唔需要動用啦
但唔需動用又買嚟做乜呢
到真係有事冇筆保險金又唔掂喎
不過每年要供萬幾蚊又好似好多咁
所以都十五十六唔知值唔值得投資
Memory Card Audit
今晚屎忽痕
摷哂啲 memory card 出嚟做 audit
原來現役中的記憶卡總數有十六張
有幾張 size 太細所以都要退役喇
其中發現有張 mini SD card
見到都覺得好生面口
完全唔記得幾時有過張種卡
反而 SONY 果張 memory stick 就仲有點印象
但係都唔知有咩機可以用得著⋯⋯
插到果部 HD bloggie 都已經荒廢多年冇出擊了
等我得閒又 update 吓個二手 page
睇吓有冇人啱洗就送出去啦