Ghöz | SnGhome.UK
攪完個 Website Project 之後
跟住落嚟便全力玩隻 Recalbox 喇
之前用兩隻手掣便有相撞問題
網上爬文發現原來用 Wii 手掣都可以連上
於是琴晚摷返兩隻 Wii 手掣出嚟
又真係可用喎
仲要冇相撞問題
玩吞食天地 3P 一齊打都冇撞
不過最大缺點係 Wii 手掣只得七粒掣可用
同埋擺位唔係正常手掣設計
所以只有 AB 兩粒掣比較正常
XY掣用得唔就手
再加 start 同 select
L1R1、L2R2只可四揀一
雖然如此
但如果淨係玩舊 Game 只用兩粒掣就非常好用
所以對我嚟講非常好用冇投訴
今日補假在家中維護家居
張書枱不嬲有設計上嘅漏洞
枱面有下陷嘅問題
所以今天進行加固工程
加條橫樑頂住應該好啲呱
整完落街食個 Tea
然後買餸
之前想試好耐
但日日收工都好似好趕唔夠時間
今日終於的起心肝試吓
希望唔會太難食啦
今日在大雨下如常去燒野食
風雨無阻我們對戶外燒烤的熱情
皆因友人屎忽痕在日本購入一個新炭爐一直未開封
幾星期前約好今天去開光儀式
但今朝起身時好大雨
詢問過大家意見後照舊風雨不過
於是便執嘢起程
一路開車都好大雨有點擔心
好采去到時雨勢減弱
我哋喺個涼亭開波
今次真係由朝燒到晚
三餐共冶一爐
燒烤煮炒多功能炭爐
食飽再煲個啡食個蛋糕
享受了一天週日假期
對上一次揼骨應該都係幾年前嘅事
近嚟腰酸背痛真係好想比人揼吓爽一爽
於是乎網上搜尋睇吓邊度有按摩好介紹
一搵最就腳就係?間 Urban Retreat
貪佢夠近唔洗長途跋涉上深圳
雖然係貴少少但時間慳唔少
今日去做個全身中式按摩90分鐘
按完真係髹好多
不過唔知係咪好耐冇揼骨
加上日日返工對住個腦冇運動
按果時吓吓都好痛
按完好似被人揼咗一身咁
不過條腰的確舒服咗
爽完之後行去工廠區逛吓
以前不嬲都知上樓好多嘢行
但今晚第一次真係上去逐層逐層慢慢行
真係有意外驚喜
有護膚品又有衫褲又有玩具又有得飲飲食食
今晚我哋去到都六點幾七點
啲鋪都開始打烊
但係有人都買到滿載而歸
行完買完就去食晚餐
?座工廠大廈都有好多選擇
我哋三心兩意之下
最後揀咗食海鮮併盤加串燒
但食完先覺得有點中伏
可能係我哋食嘢要求高咗
不過支手工啤酒真係有驚喜
下次可以淨係飲啤酒都OK