今日行程都幾緊密
起身後即刻執好行李 check out
然後去叮噹空地探吓叮噹大雄
之後去高岡JR站泊好車食早餐
食完又揸車去藤子F不二雄博物館
睇完博物館終於知道兩人嘅分別喇
跟住馬不停蹄開車去五箇山合掌村
好彩去到時只是毛毛細雨
我哋快速行完四角後便回到高岡市
執好包袱再去AEON城食個tea
便還車回去東京了
三個多小時車程
到達新宿酒店放到行李
便即係出去行一陣再去磯丸食個爐端燒
飲飽食醉便回酒店休息
準備餘下日子繼續血併
立山之旅．Day7．叮噹合掌村
立山之旅．Day6．落雨掃興
本身今天有啲戶外景點遊覽吓
可惜上午一直下著滂沱大雨
去到都落唔到車
想行吓都唔得
所以 miss 咗兩個風景
之後去千枚田食個彫魚燒
然後便開車去輪島朝市
可惜又係時間的錯
去到啲鋪頭已經閂緊門
想搵食都難
於是便繼續上路去和倉溫泉街
去到泊好車便週圍行吓影吓相
然後便食個自已反嘅好味燒
食飽後去加賀屋見識一吓冧巴溫嘅日本溫泉旅館
全日本百選第一名果然勁
啲人係排哂隊 check in
心諗個溫泉點容納咁多人呢？
住唔到嚟睇睇就當住過啦
四圍睇完便去個露天無料浸腳溫泉浸吓對腳
爽完便開車去今日嘅重點 – 北陸小矢部 Outlet
我們四點幾到達
初時行吓行吓冇乜收穫
後嚟買吓試吓玩到差不多八點
Outlet 都收工先走人
最終都每人兩三袋收穫
之後天黑開車去高岡市
八點天都黑齊開車都幾恐怖
冇街燈睇唔到路加上大雨有少少霧
諗返起都覺得幾危險
幾經辛苦到達新高岡嘅東橫inn
但去到停車場已經冇位
所以泊咗喺隔離我哋租車果間公司嘅車位
Check in 好首先去 Aeon 城食晚餐
食晚再盡最後沖廁行吓個 Aeon 城
行到十點人哋打烊我哋先開車回酒店
欣賞吓啲戰利品
再收拾行李準備明天要回去大城市了
立山之旅．Day5．七週年快樂
斬吓眼便七年
生活非常愉快
全因有妳在我身邊
今天旅程比較輕鬆
Check out 後首先去射水新湊魚市場
行個圈食個早餐
然後再去羽咋宇宙科學博物館
雖然係有點無聊
但又對太空幾有興趣
展館都有好多大型太空船道具都幾得意
睇完已經三點
原本諗住去埋個和倉溫泉街
但又想天黑前去到今晚嘅溫泉酒店
所以決定明天回程先補飛
直接開車去今晚的酒店
差不多兩小時車程後
便到達目的地
泊好車首先去海邊看看個軍艦島（見附島）
參觀完才去check in
安頓好後便去浸個溫泉
之後便吃個豐富晚餐
吃飽便回房溫馨一晚?
立山之旅．Day4．立山黑部及富山環水公園
今日一起身見到天公造美
心情都更加暢快
食完個溫泉酒店豐富早餐
便執齊行李 check out
然後便開始上山遊立山黑部
遊個立山都幾貴吓
但可以搭幾程覽車巴士都搭足幾粒鐘
兩個半小時車程轉了幾次車
便到達黑部湖果條堤霸
影吓相參觀吓
便開始走回頭路
上返室堂然後四圍行吓
其實就同我哋去滑雪見嘅雪山差不多
總算到此一遊遊玩過
行完玩完便吃個午餐
跟著便落山攞車去富山市
唔洗一個鐘就過到去
喺酒店 check in 然後泊架車入停車場
之後就步行過去富山環水公園行吓
原先想喺河邊間 Starbucks 飲杯咖啡坐一陣
但超多人排隊所以放棄了
改為去了一個藝術館嘅頂樓行吓
因為我哋都被這個藝術遊樂場吸引
上到去參觀吓行吓玩吓
然後去返地下間 coffee shop 坐吓
食咗個好味嘅 bagel 飲咗杯 latte
唔去 Starbucks 反而仲有驚喜
個鐵板 bagel 加雪糕加楓糖漿
味道恰到好處值得推介
hea 完便返酒店休閒一陣
到七點又再出街食晚餐
行咗幾條街最後食間吾平居酒屋
飲飽食醉便行返酒店完成今天旅程了