Ghöz | SnGhome.UK
今日又晨早起身準備去立山黑部
諗住落街食早餐
但七點幾冇餐廳開門
兜咗兩個圈都搵唔到食
卒之去到火車站先有間 coffee shop 開門
又要求其買個飽飲杯咖啡
食飽就返酒店執嘢 check out
跟著去租車公司攞車
順利得到心儀選擇
九點半左右便開始出發
原先行程會去飛驒市行吓
但諗諗吓高山市已經行咗條古街
所以決定放棄飛驒直接去立山黑部
兩個多小時車程去到今晚入住的溫泉酒店
泊好車便計劃上山
可惜天氣唔好賣飛個姐姐建議我哋不如聽日先上山
我哋都覺得可以等聽日好天先上山
所以轉變行程先去黑部郟谷看看
又個幾鐘車程過去
去到時下著大雨加上冰雹
咁大個仔第一次遇上落雹都幾新奇
不過天氣差又行唔到去參觀都幾失望
好彩我哋四圍行一陣後雨勢停止了
於是便急急腳走去條橋影吓相拍吓片
睇埋架火車經過便徹退
又再揸個幾鐘車回立山站果邊
回程時已經開始太陽下山
返到酒店天都黑齊
Check in 完安頓好便去浸個溫泉
然後吃晚飯
舒舒服服休息一晚
準備明天再戰立山黑部
今天正式開始遊覽
晨早起身便出門口
睇咗巴士班次發覺又唔趕但有點急
所以就喺 FamilyMart 買個飽買杯咖啡
然後排住隊等上車一邊食早餐
一小時車程後到達平湯巴士站
轉巴士上去大正池
落車後便開始遊山玩水
沿途景色好靚天氣又好
非常適合行山活動
不過雖然話係行山
但其實只是一條平路全長都只係三公里左右
聲稱四十分鐘就可以完成
不過我哋梗係唔只四十分鐘啦
行咗大約兩個鐘沿途影吓相拍吓片欣賞吓風景
行完再吃個午餐先搭巴士返去高山市
回到高山再行吓條古街買吓手信
之後便回酒店竭一竭
休息一會又再出街吃晚飯
今晚清清哋食個飛驒牛定食
吃飽便返回酒店休息
準備明天開始自駕遊
終於都出發了
五點幾起身後
執齊行裝梳洗好便去機場
攞埋隻 WiFi 蛋
再行李寄倉
明明我哋六點九前已經到機場
但樣樣都排長龍
等吓等吓又變成好急趕
攪到七點九先過安檢
再用廿分鐘食個快早餐
便急急腳去閘口
搭 HK Express 都預咗要轉接駁車登機
上到機又等多成粒鐘先起飛
三個多小時後便降落名古屋機場
過埋海關又急急腳搵車搭去高山市
為咗趕架JR
又要急趕行去搭電車出名古屋市
然後又急急腳走去轉JR
好彩又最後一分鐘上到車
但冇時間買弁當
要等三個多小時後到達高山市先有嘢食
經過十二粒鐘搭車搭飛機後
終於到達第一站
酒店 check in 後便去搵食
雖然要行十幾分鐘
但都冇去錯地方
今次旅程第一餐係食飛驒牛
豐富和牛油脂充滿味覺
加埋啖飯真係支實時
食飽再散步回酒店
第一天行程就在奔波中渡過了
明天便要出發了
籌備大半年
今晚執行李先發覺好似好趕咁
成日驚帶漏嘢
又驚準備得唔好
不過今次係去日本
大不了便買啦