今日去咗長沙灣
因為要拎返之前整果套清酒杯
好好彩去到又有錶位
泊好車便去食嘢
最好笑係排錯隊
原來揀好咗果間餐廳係喺隔離
但我哋見到多人排隊就以為係果間
真係論盡
但又估唔到間餐廳噏噏耷耷
不過又幾好食
下次要去試吓個扒
食飽拎咗套杯
便返歸了
夜晚去隔離座晚飯
個小朋友越嚟越大隻
碌髀已經粗過我了
真係可愛
抗疫週末
星期五又點
每日如事
就算放假都唔會有乜節目
出街都冇嘢好玩
夜晚又冇嘢好食
五十年不變⋯⋯！？
創新高⋯⋯
每日都刷新紀錄
不過係最多確診紀錄⋯⋯
國安法概念
聽完個法律超人解釋國安法同基本法有乜唔同
原本香港用緊嘅法律概念係：
法律冇講話唔准做嘅
你都可以做
但國安法用嘅法律係中國法律概念：
法律有講你可以做嘅
你先可以做
照咁講
中央冇話你做得而你走去做
咁就已經係違法
所以香港已經失去應有的自由了