Ghöz | SnGhome.UK
自己都覺得好曳
明明受傷但紮住隻手又去玩
仲要玩足成日
雖然今日野澤落雨
記得上次去野澤又係落雨⋯⋯
但我哋都劈咗兩轉
呢邊個地下就似樣喇
地面真係雪而不是冰
滑落去係雪雪聲而不是摑摑聲
感覺真係爽好多
玩到四點便回程返斑尾果邊嘅酒店
途中仲車我哋去超市 shopping
個個都買到滿載而歸
返到酒店後換衫便去吃晚飯
今晚我哋食日式火鍋
不過我就覺得前晚嘅法國料理比較好味
但一場嚟到又試吓啦
吃飽抖一陣便去浸個溫泉
然後便上床瞓覺準備明天又去玩喇
記憶中出外滑雪跌得最傷最麻煩應該都係今次
雖然唔係好嚴重
但今天只是第二天
還有三天玩
初時跌倒後隻手冇乜事咁
正常識郁冇乜大問題
但玩完返去除低隻手套後
慢慢開始腫起
隻手腕發唔到力
返到房換衫後即刻敷冰
夜晚臨瞓搽拳王膏
希望冇乜事啦
琴晚set好套gear之後上床瞓覺已經係點幾鐘
今天又七點便起床食早餐
跟住便著裝備出發去開季第一擊
不過著嘢都著咗成個鐘
真正出發已經係十點幾
斑尾個場好細
數埋都好似得十條 chair lift
我哋首先在 Tangram 呢邊熱吓身
由於太耐冇滑雪平時又冇運動
動作生硬好似唔識滑咁
成個上晝都不太理想
但依然上咗山頂影吓相打吓卡
跟著便去食嘢抖一抖
下晝動作開始流暢返少少捉返少許感覺
但當有感覺時體力亦都耗盡
兩年沒有嘅大脾抽筋又返嚟喇
所以今日玩到三點便鳴金收兵
留待明天繼續
今晚我哋 book 咗餐廳吃法國餐
要補三千幾 yen 不過幾好食
吃飽回房睇吓今日拍嘅片
然後去沖個涼浸溫泉
爽哂便上床休息準備明天繼續嬉戲
終於出發了
今天行程主要係食同瞓
一早起身 call 架 GoGoVan 去機場
攪掂寄倉行李便食個早餐然後等上機
大約四個約鐘機程又食咗個飛機餐
落機後攞齊行李上旅遊巴又眠一眠
中途站食個晚餐後便繼續趕路
大約四個幾鐘車程終於到達目的地
搬好行李入房後又充忙地去沖涼浸溫泉
然後先 set 好塊板
準備明天開季第一滑