Tag: Sun

記得上次行街時無啦啦洗車公司打比我
話我架車洗完可以去攞
但我都冇去洗車所以以為佢打錯電話啫
不過今日去洗車時先發現
原來上次洗完車後佢哋比錯第二架車果張記錄卡我
咁就解釋到上次佢打錯電話嘅原因喇
應該同我換轉咗張卡果位車主都冇留意張卡攪錯咗
當NTI洗完搵車主攞車時就打咗比我喇
好彩今次去排隊等入閘時睇吓張卡
發覺有啲唔妥
點解有三次洗車會過咗期呢？
再望真啲
點解少咗咗多次洗車嘅？
再望真啲
點解個車牌唔係我架車嘅？
好在發現到
去櫃臺更正返就冇問題了
但下次都係要望清楚先好開車走喇

早兩日買咗頂級肉眼同埋威爾斯羊架
今晚煮咗個羊架嚟食喇
口感真係冇得彈
價錢唔算太貴
只係比紐西蘭羊架貴一點點
但肉質髹軟樕滑
真係食過返尋味
以後食羊架都要搵過這檔買了

今日又比啲風聲嘈醒
望吓個電話
原來已經八號了
但放假星期日
所以都係繼續瞓
瞓醒後煮個麵食
然後喺屋企 hea
個風中午便落返去三號風球了
下午去了睇場戲
套戲其實估到哂啲劇情
但個種類幾特別
加上有張贈券就到期
所以都求其揀套戲用咗佢
睇完戲原本想去APM
但又多車又塞車
塞到埋去又比個警察趕我走
真係激氣
卒之去咗德福食拉麵
食完都係唔忿氣要去APM
今次順利入到去
但去到apple store想送舊迎新
但原來女皇個iCloud account被鎖咗
unlock要等廿四小時
所以最終都係去到都係整定換唔到
要等聽日解咗鎖先可以再攪喇