當年睇第一集已經覺得好好睇
但第二集開始走下坡
第三集直頭冇入戲院睇
嚟到廿幾年後的朱羅紀世界
感覺又好咗喎
可能係緬懷過去加咗分
雖然係新瓶舊酒
但都帶給我一陣的歡樂和舊屎嘅感覺
今日睇最新一集
明知都係啲人跑嚟跑去比恐龍追
不過都係會走去睇嘅
就好似星球大戰一樣
點都會追落去
今集都幾緊張刺激
作為娛樂片比足娛樂
算係不過不失啦
朱羅紀世界2
週日日常
最近經常開車去的地方是靈實
廿年前阿爺都曾經住過一排嘅療養院
感覺上和廿年前冇乜分別
只是從前坐小巴入去
現在自己開車入去
探完病去了新都城食lunch
然後回家做吓家務玩吓玩具
晚上再去游水
Hea游十個塘便去食晚餐
兩日假期好似冇乜嘢做過咁又過去了
2018下水禮
天氣咁熱最好嘅活動都係去游水
今晚終於開季落水了
近排條腰都唔多妥
應該都係缺乏運動
希望勤啲郁吓
對身體有幫助啦
DP2
快將暑假
將會好多想睇嘅好戲上演
今天睇了死侍2
三級片血腥粗俗得嚟夠抵死
可能唔係個個啱睇但我覺得好睇過無限挑戰
睇完戲返屋企食個自家串燒
咁又過咗個週末假期