今日要盡情享受一個週日
起身後去了西貢食個brunch
再去飲杯珈琲
仲買埋隻好抵嘅安全地帶演唱會
跟住返屋企聽住隻新碟執拾一吓
其實係好舊嘅碟
1984發行當時賣4000日圓
今日用二百幾蚊買同當時嘅價錢相差無幾
真係超值
晚上再去新浦岡果間越南小店吃晚餐
原先仲諗住買對水鞋但可惜已經冇得賣了
可能係天意
吃飽行夠便返屋企
準備明天展開大檸樂工程
盡情享受星期日
熱辣辣週日
今天瞓醒便去大榮華飲茶
然後諗住去洗車
不過去到見到要排幾架車
所以冇排去咗新都城行吓街
行完再去超市買啲補給品
跟住又返去洗車
去到仍然係咁多車排緊隊⋯⋯
等咗粒幾鐘先洗完車
七點左右諗住去德福食晚飯
點知又係勁多車
所以又冇排走人
卒之去咗 mikiki
原先諗住去食間德國餐廳
但去到勁多人都唔得閒招呼我哋
咁唯有轉場搵個另一間啦
行過對面街見到間越南嘢
都幾多人所以入去試吓啦
果然有驚喜喎
小店經營食物有heart
值得支持同推介！
又係緊急召喚
今朝瞓瞓吓電話響
老豆打嚟問我係咪喺香港
事源係佢上咗大陸但老家冇閂窗
其實冇閂窗都唔係咩大件事
但原來在我睡眠時不知不覺已經掛了八號風球?
所以就係咁假期都要晨早起身緊急出動⋯⋯
一來一回後去買嘢上外家食
然後返屋企 hea 吓
到三點半落返三號波便出去游個下水禮
游咗十個塘便走人
去駱駝漆大廈行行食食
無意中發現間賣高級食材店
睇落價錢同級數都好似好吸引
下次去 BBQ 真係要試一試
行完買完收穫滿滿後再行去 APM 食晚餐
食飽再去辻利食個甜品
然後便歸家去
完結豐盛的週日
時晴時雨星期日
原先諗住去飲茶
但臨時又取消咗
所以便改去西貢
食個 brunch 再去飲杯珈琲
然後又回家做家務再 hea 一陣
夜晚落街買外賣過隔離屋晚餐
輕輕鬆鬆又過了兩天假期
明天又要繼續搏殺了