好耐冇做高壓運動
對上一次應該係過年前去滑雪
之後都好懶冇郁過
今日 book 咗場打壁球
一如以往頭十五分鐘都會追波
之後越嚟越慢
最後執波都你推我讓⋯⋯
不過打完出身汗條腰都冇咁實
年紀大咗要郁吓鬆吓先可以長玩長有丫嘛
運動日
777特首
今日選凸手
結果冇驚喜
都係預期之內
自己冇得揀
唯有聽天由命
希望香港可以重拾正軌啦
今天冇乜安排節目
起身去探岳父
然後去西貢食個炸魚薯條
再去一間想去好耐嘅個性咖啡店
哪裡裝修同咖啡都好有個性
下次會再去幫襯
夜晚返屋企煮個晚餐
輕鬆 hea 吓渡過一天
涌尾新爐開光
今日在大雨下如常去燒野食
風雨無阻我們對戶外燒烤的熱情
皆因友人屎忽痕在日本購入一個新炭爐一直未開封
幾星期前約好今天去開光儀式
但今朝起身時好大雨
詢問過大家意見後照舊風雨不過
於是便執嘢起程
一路開車都好大雨有點擔心
好采去到時雨勢減弱
我哋喺個涼亭開波
今次真係由朝燒到晚
三餐共冶一爐
燒烤煮炒多功能炭爐
食飽再煲個啡食個蛋糕
享受了一天週日假期
週日BBQ
琴日擺了一個大老烏
以為約了去試新爐
但原來攪錯時間應該係下星期日先啱
不過咁啱又有BBQ活動可以join到喎
所以突然變成去金山燒野食喇
那裡很多馬騮好麻煩
但原來再向上不遠有另一個燒烤場
果度人少啲同馬騮都少啲
去到起好爐便開餐
今次食物好豐富
最特別係塊斧頭牛扒
真係條羊架都被比下去
燒燒吃吃玩玩便四粒鐘
飲飽食醉又一天